ഏതിലയും മധുരിക്കുന്ന കാടുകള്‍...
ഇത്തരം സവിശേഷ വ്യതിചലനം മലയാളീസമൂഹത്തില്‍ കണക്കില്ലാതെ കൂടിയിട്ടുണ്ടെന്നാണ് സമീപകാലത്തിറങ്ങിയ ചില മലയാളം സിനിമകള്‍ പറയുന്നത്. 'ഇന്ത്യാടുഡേ' യുടെയും മറ്റും കവര്‍ സ്റ്റോറിയായി ഈ വിഷയം പലവട്ടം വന്നിട്ടുണ്ടെങ്കിലും അതിന്റെ ആധികാരിതയില്‍ അവര്‍ തന്നെ സംശയാലുക്കളാണ് എന്ന നിഗമനമാണ് എനിക്കുള്ളത്.
'ബ്യൂട്ടിഫുള്‍'
'ട്രാഫിക്'
'ചാപ്പാകുരിശ്'
'കോക്ടെയ്ല്‍'
'ബട്ടര്‍ഫ്ളൈ ഓണ്‍ ദി വീല്‍സ്' എന്ന കനേഡിയന്‍ സിനിമയുടെ സ്വതന്ത്ര മലയാള പരിഭാഷയായ 'കോക്ടെയ്ല്‍' പറഞ്ഞതും അവിഹിത ബന്ധത്തിന്റെ കഥയാണ്. നഗരത്തിലെ പ്രമുഖ ബില്‍ഡേഴ്സില്‍ ജോലി നോക്കുന്ന രവി എബ്രഹാമിന്റെ (അനൂപ് മേനോന്‍) സുരക്ഷിത ജീവിതത്തെ ഒറ്റദിവസം കൊണ്ട് മാറ്റി മറിക്കുന്ന അപരിചിതനായ വെങ്കിടേഷിന്റെ കഥയാണിത്. രവിയുടെ ഭാര്യയായ പാര്‍വ്വതിയുടെ പൂര്‍ണ്ണ സഹായത്തോടെയാണ് വെങ്കിടേഷ് 'ജീവിതനാടക'ത്തിന് തിരക്കഥയെഴുതിയത്. തെരുവ് പെണ്ണുങ്ങളെ വിലപേശി കാറിലെത്തിക്കാന്‍ ആവശ്യപ്പെട്ട്, പാര്‍വ്വതിയുടെ ശരീരത്തില്‍ ആസക്തിയോടെ വിരലോടിച്ച് സ്വന്തം ഭാര്യയുമായി രവി നടത്തിയ 'അവിഹിത ഇടപാടി' ന് വെങ്കിടേഷ് കണക്കു ചോദിക്കുന്നത്.
'ക്യാറ്റ് ആന്‍ഡ് മൌസ്'
സിബിമലയിലിന്റെ പുതിയ ചിത്രം 'ഉന്നം', കെ കെ രാജീവിന്റെ ചിത്രം- 'ഞാനും എന്റെ ഫാമിലിയും' ഇവയിലും വിവാഹേതര ബന്ധങ്ങള്‍ പ്രധാനപ്രമേയമാവുന്നു. 'ഉന്ന'ത്തിലെ അലോഷിയും (ആസിഫലി) ജെന്നിയും (റിമാകലിങ്കല്‍) 10ാം ക്ളാസ് മുതല്‍ കമിതാക്കളാണ്. ചില പ്രശ്നങ്ങള്‍ കൊണ്ട് അവര്‍ക്ക് ഒരുമിക്കാനായില്ല. അലോഷിയുടെ സുഹൃത്ത് കൂടിയായ ടോമിയെ (പ്രശാന്ത്നാരായണന്‍) വെട്ടിച്ച് എവിടെയെങ്കിലും ഒന്നിച്ച് ജീവിക്കണമെന്ന അഭിലാഷമാണ് അലോഷിയെയും ജെന്നിയെയും നയിക്കുന്നത്. ടോമിയെ പറ്റിച്ച് ഇരുവരും നടത്തുന്ന 'ക്യാറ്റ് ആന്‍ഡ് മൌസ്' ഗെയിം മാത്രമാണ് ചിത്രത്തില്‍ രസമുള്ള ചില സന്ദര്‍ഭങ്ങള്‍ സമ്മാനിക്കുന്നത്.
ശ്യാമപ്രസാദിന്റെ 'ഒരേകടല്‍' സിനിമയില്‍ തന്റെ ആത്മാവിന് ആനന്ദമേകുന്ന പ്രൊഫ. നാഥന്റെ കൂടെ കഴിയാനാണ് ദീപ്തി ഒടുവില്‍ തീരുമാനിക്കുന്നത്.
പഴയ ചില സിനിമകളിലും അവിഹിത ബന്ധം ചര്‍ച്ചാവിഷയമാകുന്നുണ്ട്. "മിസിസ് രാജാ.. നിങ്ങളുടെയുള്ളില്‍ ചുരമാന്തുന്ന ഒരു വേട്ടമൃഗമുണ്ടായിരുന്നു. ചങ്ങലയില്‍ കിടന്ന അതിനെ ഞാന്‍ മോചിപ്പിച്ചു അത്രേയുള്ളു..''- 'ഇടവഴിയിലെ പൂച്ച മിണ്ടാപൂച്ച' എന്ന സിനിമയില്‍ രോഹിണി രാജയോട് (ശ്രീവിദ്യ) ഭാഗ്യനാഥന്‍ (സോമന്‍) പറയുന്ന സംഭാഷണമാണിത്. തന്നേക്കാള്‍ ഏറെ പ്രായകൂടുതലുള്ള, ഉയര്‍ന്ന സര്‍ക്കാര്‍ ഉദ്യോഗസ്ഥനായ ഡോ. രാജയോടുള്ള മാനസികവും ശാരീരികവുമായ പൊരുത്തക്കേടാണ് രോഹിണിയെ ഭാഗ്യനാഥിന്റെ വളര്‍ത്തുമൃഗമാക്കിയത്. ശ്രീവിദ്യയുടെ ഭൂരിഭാഗം കഥാപാത്രങ്ങളും ഇത്തരം ബന്ധങ്ങളില്‍ മനഃപൂര്‍വ്വമോ അല്ലാതെയൊ പങ്കാളികളാവുന്നവരാണ്. കെ ജി ജോര്‍ജിന്റെ 'ഇര'യിലെ ആനി വേലക്കാരനുമായി നടത്തുന്ന ഇടപാടുകള്‍ ചിത്രത്തിന് അധികമാനം നല്‍കുന്നുണ്ട്.
എംടിയുടെ 'നിര്‍മ്മാല്യ'ത്തില്‍ ദാരിദ്രത്തിന്റെ തീക്ഷ്ണതയാണ് പലിശക്കാരന് വഴങ്ങാന്‍ വെളിച്ചപാടിന്റെ ഭാര്യയെ പ്രേരിപ്പിച്ചത്. "എന്റെ രണ്ടു മക്കളെ പ്രസവിച്ച നീയോ...''എന്നാണ് ആ ഭീകര രംഗത്തിന് സാക്ഷിയായ വെളിച്ചപ്പാട് വിങ്ങിപൊട്ടുന്നത്. അക്ഷര അവിഹിതങ്ങള്‍
സിനിമകളില്‍ ചിത്രീകരിക്കുന്നതിനേക്കാള്‍ തീവ്രതയില്‍ അവിഹിത ബന്ധങ്ങള്‍ സാഹിത്യത്തിലാണ് ചിത്രീകരിച്ചിട്ടുള്ളത്. വിജയന്റെയും എംടിയുടെയും മുകുന്ദന്റെയും നായകന്‍മാര്‍ ഇത്തരം ബന്ധങ്ങള്‍ ഉള്ളിലാവാഹിച്ചവരാണ്. ഒരഗമ്യഗമനത്തിന്റെ പട്ടടചൂടാണ് ഖസാക്കിലെ രവിയെ ഉലകം ചുറ്റിക്കുന്നത്. സേതുവിന്റെ പാണ്ഡവപുരം ഇത്തരം ബന്ധത്തിന്റെ മനശാസ്ത്രാവിഷ്കാരമാണ്. 'ഗുരുസാഗര' ത്തില്‍ പിനാകിയുടെ മകളാണ് ഇത്രയും കാലം താന്‍ തലോലിച്ചോമനിച്ച കല്യാണിയെന്ന ഭാര്യയുടെ വെളിപ്പെടുത്തല്‍ കുഞ്ഞുണ്ണിയ്ക്ക് ഇരിക്കപിണ്ഡമാവുന്നു.
ഒടുവില്‍ വയലാര്‍ അവാര്‍ഡ് നേടിയ കെ പി രാമനുണ്ണിയുടെ 'ജീവിതത്തിന്റെ പുസ്തക'ത്തില്‍ അതിയന്നൂര്‍ കടപ്പുറത്തെ വിജയനും അതിയന്നൂര്‍ വിജയാ ബാങ്ക് ശാഖയിലെ ജീവനക്കാരിയായ ശില്‍പ്പ യോഗേഷ് ഭട്ടുമായുള്ള ബന്ധം ഹൃദ്യമാണ്. അതിയന്നൂര്‍ കടപ്പുറത്തെ മുക്കുവ സഹോദരങ്ങള്‍ക്കായി ലോണ്‍ അപേക്ഷകള്‍ നല്‍കാന്‍ ബാങ്കിലെത്തുന്ന വിജയന് ശില്‍പ്പ ആ ഫോറങ്ങള്‍ ശരിയാക്കുന്ന നേരമത്രയും അവളുടെ മുഖത്തല്ലാതെ മറ്റൊരിടത്തും നോക്കിയിരിക്കാനായില്ല. അയാളുടെ നോട്ടങ്ങളുടെ ആഴം കൂടും തോറും വെളുപ്പില്‍ നിന്ന് ചുവപ്പിലേക്കും ചുവപ്പില്‍ നിന്ന് രുധിരവര്‍ണ്ണത്തിലേക്കും അവള്‍ നിറം മാറുന്നു. "തെച്ചിയും ചെമ്പരത്തിയും കോളാമ്പിയും നിരന്ന തന്റെ പൂന്തോട്ടത്തിലാരോ ചെയിഞ്ചിങ്ങ് റോസ് നട്ടതായിട്ടാണ്'' വിജയന് അനുഭവപ്പെട്ടത്. ഭര്‍ത്താവോ ബന്ധുക്കളോ കുഞ്ഞുമോനോ ഇല്ലാത്ത ഒരു ദിവസം വിജയന് കാല്‍ക്കുഴ തെറ്റിയ കാമുകിയെ കാണാന്‍ അവളുടെ വീട്ടിലെത്തുന്നുണ്ട്. മനസ് താളം തെറ്റുന്ന വേളയില്‍ അവളുടെ കുഞ്ഞുമോന്‍ മേശയിലുപേക്ഷിച്ച വായ പിളര്‍ന്ന ബാഗും ഷോക്കേസിലിരുന്ന ഭര്‍ത്താവിന്റെ ഫോട്ടോയും കണ്ണടയും അയാളെ അലോസരപ്പെടുത്തുന്നു. എന്നാല്‍ ഒന്നാവാനുള്ള കാമിനിയുടെ താപത്തെ അതിജീവിക്കാന്‍ അയാള്‍ക്ക് ആവുന്നില്ല. ന്യൂസ് പേപ്പര്‍ കൊണ്ട് ഫോട്ടോയും കണ്ണടയും മൂടിയിട്ട് അവളുടെ അരികിലേക്ക് എത്തുന്ന അയാളോട്-"എന്താ വിജയന്..ഞാന്‍ നിങ്ങളുടേതല്ല.. എന്നെ പൂര്‍ണ്ണ മനസോടെ വിജയന് തരാന്‍ എനിക്ക് അവകാശമില്ലേ..?''- എന്ന് ശില്‍പ്പ ചോദിക്കുന്നു. ഈ ചോദ്യത്തിന്റെ പ്രസക്തിയും മാനവും വലുതാണ്. ആയിരംകണ്ണുള്ള പൊതുസമൂഹത്തിന്റെ വിചാരണയും അനിശ്ചിതത്ത്വവും ഇത്തരം ബന്ധങ്ങള്‍ക്ക് നേരിടേണ്ടി വരുന്ന അനിവാര്യതകളാണ്. ഇവയെല്ലാം ഉയര്‍ത്തുന്ന ചോദ്യങ്ങളും അനേകമാണ്.
No comments:
Post a Comment